Punëtorët e Pallatit të Rinisë kanë anuluar protestën e paralajmëruar në ora 12:00, për shkak të mosmarrjes së pagave për tre muaj, raporton KTV.
Kryetari i sindikatës së punëtorëve të kësaj ndërmarrjeje, Enver Musiqi, ka thënë se anulimi i protestës ka ardhur pas një takimi të sotëm ndërmjet tyre, përfaqësuesve të komunës dhe të përmbaruesve.
Sipas tij, aty është arritur marrëveshje verbale që ekzekutimi i pagave do të bëhet brenda dy ditësh.
Punëtorët nuk kanë marrë pagat për muajt shtator, tetor dhe nëntor.
Për këto vonesa, Komuna e Prishtinës është arsyetuar se ka pasur probleme me regjistrimin e kësaj ndërmarrjeje si dhe me xhirollogaritë bankare.
Megjithatë, Komuna e Prishtinës u kishte premtuar punëtorëve se deri në fund të nëntorit do të bëhet ekzekutimi i pagave.
-
Pse e anuluan protestën punëtorët e Pallatit të Rinisë
-
Ahmeti thotë se punëtorët e Pallatit të Rinisë morën pagat
-
Nesër protestojnë për paga punëtorët e Pallatit të Rinisë në Prishtinë
-
Punëtorët e Pallatit të Rinisë thonë se s’kanë marrë paga me muaj, as s’janë kompensuar për punët shtesë
-
Punëtorët e Pallatit të Rinisë në grevë, s’kanë marrë pagat tash dy muaj