Propozohen ndryshime në Ligjin për Zgjedhje, kërkohet reduktimi i heshtjes zgjedhore

Komisioni për Legjislacion ka miratuar dhe proceduar në Kryesinë e Kuvendit Ligjin për Zgjedhje Parlamentare. Aty janë dhënë ndryshime në ligj që do t’i propozohen Kuvendit për miratim.

Shefi i Grupit Parlamentar të AAK-së, Besnik Tahiri, ka publikuar disa nga ndryshimet e propozuara.

1. Heshtja zgjedhore (hiqet dhe vlen vetëm prej hapjes së kutive të votimit në ora 7-19);

2. Kufizimi i certifikimit të kandidatëve për deputet-vetëm ata që në 3 vitet e fundit janë dënuar me vendim të formës së prerë për vepër penale me burg efektiv 1 e me shumë vjet;

3. Vota preferenciale. Votuesi ka të drejtë të votojë deri në 10 kandidatë për deputetë;

4. Numërimi i votave për Parti Politike, i kandidatëve për kryetarë komunash bëhet në vendvotime, (në ditën e zgjedhjeve) ndërkaq vota për kandidatë për deputetë dhe asamblistë, në qendrat komunale të votimit. (të nesërmen);

Edhe Arbëri 10 pri 2023 Drafti i ligjit për zgjedhje: S’ka heshtje zgjedhore, misionet diplomatike kthehen në qendra votimi

5. Votimi në diasporë, bëhet me postë në kuti postare në Kosovë, në kuti postare në diasporë dhe fizikisht në përfaqësi diplomatike, ku ka kushte;

6. Janë zgjatur ankesat e partive politike dhe të kandidatëve nga 24 në 48 orë;

7. Nuk kufizohet afishimi i materialeve publicitare elektorale në 100 metra vijë ajrore siç ka qenë deri tash. Ajo kufizohet vetëm brenda qendrave të votimit dhe në oborret e qendrave të votimit.