Prokuroria Themelore e Pejës duket se ka vendosur që të merret tepër seriozisht me fenomenin e uzurpimit të pronave komunale në territorin saj të përgjegjësisë, që shtrihet në pesë komuna: Pejë, Istog, Klinë, Deçan dhe Junik.
Deri tash asnjëra prej këtyre komunave seriozisht nuk është marrë me këtë problem dhe nuk kanë nisur t’i largojnë uzurpatorët nga pronat e veta, shkruan sot “Koha Ditore”.
“Prokuroria Themelore e Pejës, përkatësisht kryeprokurori Agim Kurmehaj, iu ka dërguar shkresë zyrtare pesë komunave (Pejë, Klinë, Istog, Deçan dhe Junik) që janë nën kompetencën e kësaj prokurorie, për evidentimin e të gjitha pronave të uzurpuara kundërligjshëm dhe këto lista të pronave të uzurpuara me ia dërgua prokurorisë.
Pas marrjes së listave të pronave të uzurpuara nga komunat përkatëse, Prokuroria Themelore e Pejës, në bazë të kompetencave dhe ligjeve në fuqi do të veprojë për lirimin e të gjitha pronave të uzurpuara”, e konfirmoi për “Kohën Ditore” dërgimin e këtyre kërkesave, Shkodran Nikçi, zëdhënës i kësaj prokurorie. ë kundërligjshëm të pronës publike”, thotë Nikçi.
Pranimin e kësaj kërkese e ka konfirmuar edhe kryetari i Komunës së Pejës, Gazmend Muhaxheri, sipas të cilit prokuroria u ka dhënë afat fundin e janarit të vitit të ardhshëm për dërgimin e këtyre listave, që prokuroria të fillojë procedurat penale ndaj uzurpuesve.
Edhe
Mbi dy mijë prona komunale të uzurpuara në Pejë
“Besojmë që deri në mes të dhjetorit do të përfundohet me evidentimin e pronave komunale të uzurpuara dhe pastaj do të dalim me një raport përfundimtar”, tha për “Kohën Ditore”, drejtoresha për Kadastër, Gjeodezi dhe Pronë, Njomza Grabanica.
(Artikullin e plotë mund ta lexoni sot në “Koha Ditore”)
