Lidershipi i Prizrenit dhe përfaqësuesja e UNDP-së kanë nënshkruar marrëveshjen për zbatimin e projektit që mundëson përkrahjen e Qeverisë lokale për zbatimin e politikave për zhvillim të qëndrueshëm.
Sipas palëve nënshkruese, pjesë e këtij projekti është edhe Agjencia austriake për zhvillim (ADA), shkruan sot Koha Ditore.
Kryetari i Prizrenit, Mytaher Haskuka, ka pohuar se kjo marrëveshje hap rrugën për bashkëpunimin e Komunës me UNDP-në dhe ADA-n, për projektin për mbështetjen e një qyteti të qëndrueshëm.
“Nga ky bashkëpunim, do të formojmë Zyrën për zhvillim të gjelbër (Green Growth Center), e cila do të jetë e përbërë nga ekspertë të fushës, që do të bëjnë analizën dhe zhvillimin e projekteve në komunën tonë. Kjo zyrë do të jetë pikë orientuese e të gjitha zhvillimeve dhe investimeve në Prizren dhe tash e tutje çdo investim që do të bëhet, do ta ketë edhe analizën e ndikimit në natyrë”, ka bërë të ditur Haskuka.
Sipas tij, në këtë mënyrë Prizreni përgatitet për adresimin e sfidave që kanë të bëjnë me ndryshimet klimatike si edhe zbatimin e praktikave për efiçiencë të energjisë, pasi që këto çështje kanë të bëjnë me zhvillimin e qëndrueshëm./F.Minci
(Më gjerësisht lexoni në Koha Ditore)
-
Lansohet projekti për një Prizren të Qëndrueshëm
-
Prizreni paralajmëron krijimin e Zyrës së Gjelbër
-
Prishtina merr kredi për projektin e “qytetit të gjelbër”
-
Kronikë zgjedhore \ Haskuka njofton arritjen e ujdive politike në prag të raundit të dytë të zgjedhjeve
-
Prizreni subvencionon me 30.000 € projektet e OJQ-ve që kontribuojnë në mbrojtjen e mjedisit