Prindërit dhe nxënësit e Abrisë së Drenasit e zhvendosin protestën para Qeverisë, duan rihapjen e shkollës

Ka 7 javë që fëmijët e paraleles së shkollës “Shote Galica”, nuk janë duke mbajtur procesin mësimor, pasi komuna e Drenasit mori vendimin për mbylljen e saj.

Prindërit nuk po i lejojnë fëmijët të shkojnë në shkollën tjetër me arsyetimin se është shumë larg, raporton KTV.

Në anën tjetër, Ligji për Arsimin fillor e bën të obligueshëm mësimin për filloristët. Por, prindërit thonë se nuk janë duke e shkelur Ligjin pasi po e mendojnë të mirën e fëmijëve të vet.

Protestuesit thanë se komuna nuk mund ta sigurojë transportin për të gjithë.

Sipas tyre, për shkak të rrezikut nga rruga dhe qenve të shumtë endacakë, fëmijët nuk i lejojnë të shkojnë në shkollë.

Meqë askush nga Qeveria nuk i priti, prindërit protestuan edhe para Ministrisë së Arsimit.

Aty i kishin marrë me vete edhe fëmijët.

Edhe Arbëri 22 sht 2018 116 nxënës të “Shotë Galicës” në Drenas ende s’e vijojnë mësimin, prindërit paralajmërojnë protesta

Ministri i Arsimi Shyqiri Bytyqi pas takimit me prindër, tha se nuk ka mundësi të ndërhyjë në këtë çështje.

Nëpërmjet telefonit, drejtori i Arsimit në Komunën e Drenasit, Tafil Halaliaj i ka thënë KTV-së se do të iniciojnë procedura ligjore ndaj prindërve që nuk po i lejojnë fëmijët të shkojnë në shkollë, duke bërë kështu shkelje ligjore.

Tafilaj mohon akuzat e prindërve duke thënë se edhe transporti për nxënësit është rregulluar.