Policia e Kosovës ka dhënë detaje lidhur me arrestimin e tre shtetasve të Serbisë, të cilët dyshohet se kanë blerë emblema të UÇK-së në Prishtinë.
Përveç tyre, edhe dy persona të tjerë, shtetas kosovarë janë arrestuar bashkë me ta gjatë mbrëmjes të së shtunës.
Siç njofton Policia, ndaj të dyshuarve janë duke u bërë verifikimet e nevojshme në koordinim me Prokurorinë Speciale të Kosovës.
“Policia e Kosovës ka ndaluar pesë (5) persona; dy (2) shtetas kosovar dhe tre (3) shtetas të Serbisë, ndaj të cilëve janë duke u bërë verifikimet e nevojshme në koordinim me Prokurorinë Speciale të Republikës së Kosovës. Për procedurat e mëtejshme jemi në konsultim me Prokurorin kompetent derisa të kryhen verifikimet e nevojshme”, thuhet në njoftimin e Policisë.
Serbët e arrestuar mbrëmë në këmbim të shtetësisë serbe, disa kosovarëve u kanë marrë të holla. Por mësohet se njëri nga ta në këmbim të shtetësisë serbe, i ka kërkuar një qytetari kosovar që ta dërgojë në dy dyqane ku ka uniforma ushtarake. Në dyqanin e fundit ka blerë edhe emblemat e UÇK-së, raporton KosovaPress.
Të njëjtëve u është caktuar masa e paraburgimit për 48 orë.
-
Rreziku nga skenari rus, KFOR-it i kërkohet ta rrisë prezencën në veri
-
Serbia arreston një tjetër shqiptar, pretendon se iu gjet flamuri i UÇK-së
-
Katër të arrestuar për një rrëmbim në “Veternik”, përfshirë një polic
-
Mediat serbe raportojnë edhe për një të arrestuar
-
Dy të arrestuar për një rast rrëmbimi në Prishtinë