Policia e Kukësit ka arrestuar nëpër banesat e tyre disa persona që mendohet të kenë qenë pjesëmarrës në protestën kundër taksës së “Rrugës së Kombit”.
Sipas familjarëve të personave të arrestuar, të afërmit e tyre janë marrë nga efektivë policie me maska rreth orës 03:00, transmeton Tch.
Nuk dihet ende numri i personave të arrestuar.
Protesta e së shtunës degjeneroi në përplasje me policinë dhe shkatërrim e djegie të sportelit të vjeljes së taksës nga koncesionari.
Kryeministri i Shqipërisë, Edi Rama, nëpërmjet një statusi në faqen zyrtare në Facebook, kërcënoi ditën e djeshme se të “gjithë vandalët do të marrin dënimin e merituar”, ndërsa u shpreh se askush nuk do të mund të shkatërrojë pronën publike.
“Dhuna barbare mbi pronën e përbashkët dhe reagimi i dhunshëm ndaj forcave të rendit në Kukës, do të marrin përgjigjen e merituar me të gjithë fuqinë e ligjit mbi këdo që ka ngritur dorën e paligjshmërisë! Ta harrojnë dhunuesit e frymëzuesit e tyre se ia dalin dot mbi ligjin”, shkroi kreu i qeverisë.
-
Shteti i kundërpërgjigjet “tufës së vandalëve” në Kalimash, Kukësi thotë se është në shtetrrethim
-
Basha: Rama po poshtëron Kukësin dhe Kosovën
-
Rama paralajmëron zbritje për kuksianet për kalim të Kalimashit, thotë se vandalët do ndëshkohen
-
Përplasjet në Rrugën e Kombit, dëmtohet pothuajse tërësisht pika e pagesave rrugore
-
Kuksianët protestojnë për taksën e rrugës, Rama u flet për fluturime me çmime të lira