Formimi i Ushtrisë së Kosovës duhet të jetë proces gradual dhe t’i kontribuojë stabilitetit në rajon. Ky është qëndrimi i Malit të Zi zyrtar, citon “Vjesti” i Podgoricës ministrin e Jashtëm të këtij vendi, Sergjan Darmanoviq.
Duke iu përgjigjur pyetjes së gazetarëve rreth qëndrimit të Malit të Zi në lidhje me formimin e Ushtrisë së Kosovës, ministri i Jashtëm malazias, Sergjan Darmanoviq ka thënë se Mali i Zi dhe as NATO nuk e kanë kontestuar të drejtën e secilit vend të ketë ushtrinë e vet.
“Kjo nuk është kontestuese. Sekretari i përgjithshëm i NATO-s ka thënë se procesi duhet të ndodhë gradualisht, i hapët, inkluziv dhe t’i kontribuojë stabilitetit të rajonit, në mënyrë që të vazhdojë bashkëpunimi i mëtejshëm i NATO-s me Kosovën në mirëkuptim të dyanshëm. Kjo është një qasje realiste që e kemi theksuar shumë herë deri tash”, citohet të ketë thënë Darmanoviq, transmeton Koha.net.
-
Serbia e shqetësuar për mbështetjen që Mali i Zi po ia jep Kosovës
-
Mali i Zi mbështet edhe shkëmbimin e territoreve si zgjidhje mes Kosovës dhe Serbisë
-
Pacolli: Krijimi i Ushtrisë së Kosovës, kontribut për një ambient të qetë e të sigurt në rajon
-
Shtetet e BE-së në KS të OKB, bashkë për Kosovën: Ushtria, e drejtë sovrane
-
Veseli për “Aljazeera”: Ushtria jonë do ta forcojë paqen në rajon