Biznesmeni që përkohshëm u kthye në politikan në Kosovë, dështoi ta siguronte mandatin e tretë si kryetar i Komunës së Mitrovicës. Fitoren e kishte siguruar më parë, me një parti fare të vogël, ndërkaq dështoi kur iu bashkëngjit dhe garoi si kandidat i partisë kryesore në vend, Vetëvendosjes. Agim Bahtirit nuk i ndihmoi as përkrahja e madhe që mori nga qendra – në jo pak paraqitje në fushatë u pa me kryeministrin Albin Kurti.
Ndërkaq, në kohën kur oponentët e akuzonin Bahtirin se nuk dinte shkrim-lexim, në krah i doli kryeparlamentari Glauk Konjufca.
Në një nga tubimet, ai iu tha mitrovicasve se duhej ta votonin Bahtirin, nën arsyen se ai ishte “akademik” për politikanët e tjerë lokalë.
Pas zgjedhjeve, kur Bahtiri u mund që në rrethin e parë, Konjufca pati një justifikim për këtë cilësim që e kishte dhënë. Në një intervistë në KTV tha se ishte keqkuptuar. Në interpretimin që i bëri deklaratës së vet, Bahtirin e kishte quajtur akademik për projekte lokale, mes të cilave përmendi kanalizimet.
-
Bahtiri: E kam uruar Hamzën, në garë dikush fiton e dikush humb
-
Kronika Zgjedhore/ VV-ja do fitore pa balotazh në Prizren, në Mitrovicë Bahtirin e cilësojnë akademik
-
Kronika Zgjedhore/ Agim Bahtiri e quan Bedri Hamzën “kontabilist i prontos mafioze”
-
Kronika Zgjedhore/ Bahtiri e quan veten menaxher evropian
-
Bahtiri kandidat i VV-së në Mitrovicë