Qendra e Lëvizjes Vetëvendosje në Mitrovicë ka njoftuar se Agim Bahtiri do të rikandidojë për kryetar të kësaj komune.
Përmes njoftimit në Facebook, VV-ja shkruan se me Bahtirin do të vazhdojnë punën në zhvillimin ekonomik, “kësaj radhe edhe me ndihmën e Qeverisë nga të cilët padrejtësisht kemi qenë të harruar për 8 vite”.
“Me vullnetin e qytetarëve, shkojmë drejt fitores plebishitare qysh në rrethin e parë, pra pa balotazh”, thuhet tutje.
Në anën tjetër, Partia Demokratike e Kosovës kandidat për kryetar të Mitrovicës ka caktuar Bedri Hamzën, ndërsa Lidhja Demokratike e Kosovës ka Armend Agollin.
Nehat Peci, nga Aleanca për Ardhmërinë e Kosovës sot është tërhequr nga gara për Mitrovicë.
“Të, nderuar ju njoftoj se për arsye personale dhe profesionale, kam marrë vendim, që në menyrë të parevokushme të tërhiqem nga nominimi i kandidimit për kryetar të komunës së Mitrovicës për zgjedhjet lokale të 17 tetorit 2021”, ka shkruar në Facebook.
-
Bahtiri: E kam uruar Hamzën, në garë dikush fiton e dikush humb
-
AKR-ja në Mitrovicë në përkrahje të Hamzës së PDK-së
-
Tahiri ia uron fitoren Pecit: Suksese në punën e tij për Mitrovicën
-
Tahiri i PDK-së: Të ruhet çdo votë
-
Kurti: Me Fatonin kryetar të Mitrovicës, e keni të garantuar se do të ketë veçse bashkim, e kurrsesi ndarje