Përkujdesje shëndetësore shtëpiake për të moshuarit dhe të sëmurët rëndë në Rahovec

Nga sot në Rahovec do të funksionojë shërbimi i ri mjekësor "Kujdesi Shtëpiak", ka njoftuar të mërkurën kryetari i Rahovecit, Smajl Latifi.

Kujdesi shëndetësor shtëpiak sipas Latifit i ka në fokus të moshuarit dhe personat më sëmundje të rënda, të cilët e kanë të vështirë shkuarjen deri në QKMF apo QMF.

Një mjek dhe dy infermierë, sipas njoftimit do të jenë në lëvizje për të ofruar shërbime anembanë Rahovecit nga ora 07:00-21:00, dhe përveç shërbimeve të tjera ekipi mobil do të bëjë edhe testime rapide për COVID-19, sipas vlerësimit të mjekut.