U përmbyll sot në Korçë dita e tretë e bisedimeve mes ministrit të Jashtëm të Shqipërisë Ditmir Bushati dhe homologut të tij grek, Nikos Kotzias.
Lidhur me takimin ka ardhur edhe deklarata e përbashkët e Ministrive të Punëve të Jashtme, ku thuhet se palët kanë bërë përparim thelbësor drejt zgjidhjes së çështjeve të pazgjidhura.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoFakti që në deklaratë nuk përmendet asnjë nga çështjet e mëdha, ligji i luftës apo kufiri detar, nënkupton se bisedimet nuk kanë sjellë ende rezultate konkrete, shkruan Shekulli.
Njoftim i përbashkët i Ministrive të Punëve të Jashtme
Ministrat e Punëve të Jashtme të Shqipërisë dhe Greqisë, Ditmir Bushati dhe Nikos Kotzias, zhvilluan bisedime në Korçë më 19-21 janar 2018, duke u fokusuar në çështjet bilaterale.
Në vijim të takimit që u zhvillua në Kretë nëntorin e kaluar, të dyja ekipet bënë përparim thelbësor drejt arritjes së zgjidhjeve të qëndrueshme dhe afatgjata për çështjet e pazgjidhura, në përfitim reciprok të të dy vendeve dhe qytetarëve të tyre, në përputhje me vlerat dhe normat evropiane.
Diskutimet u zhvilluan në një atmosferë miqësore dhe konstruktive dhe të dyja palët përsëritën angazhimin e tyre për të ndjekur më tej dialogun në të gjitha nivelet në muajt në vijim.