Për rrugën milionëshe Deçan-Plavë, Qeveria ndan vetëm 300 mijë euro

Qeveria e Kosovës edhe këtë vit ka ndarë vetëm 300 mijë euro për realizimin e rrugës nacionale Deçan-Plavë, e cila kap koston e miliona eurove.

Projekti i nisur tri vjet më parë, është larg përfundimit, për shkak të ndarjes së mjeteve të pamjaftueshme buxhetore nga institucionet e vendit, raporton KTV.

Për mospërfundimin e segmentit rrugore rreth 35 kilometra, kryetari i Deçanit, fajëson institucionet qendrore për neglizhencë.

Ndërsa në Ministrinë e Infrastrukturës thonë se jo vetëm këtë rrugë, por do të përkrahin edhe projekte të tjera në këtë komunë.