Për 2 vjet gjykim, “Stenta 3” ende në pritje të seancës së parë

Në qershor do të bëhen dy vjet prej se aktakuza “Stenta” është dorëzuar në gjykatë. Edhe pse gjykata ka afat ligjor prej 30 ditësh që të nisë trajtimin e këtij rasti, për një pjesë të akuzuarve gjykimi në këtë rast ligjërisht nuk ka nisur ende.

Deri më tash nga gjykimet janë “kursyer” përfaqësuesit e dy spitaleve private që akuzohen se kanë korruptuar rreth 40 mjekë, shkruan sot “Koha Ditore”.

Aktakuza e ndarë në tri pjesë: në “Stenta 1”, “Stenta 2” dhe “Stenta 3”, nga Gjykata Themelore nuk është trajtuar njëjtë. Brenda një muaji është planifikuar të përmbyllet procesi i gjykimit të ish-ministrit Ferid Agani dhe ish-sekretarit Gani Shabani. Në gjykimin “Stenta 2” janë mjekët e akuzuar të spitaleve publike. Deri tani në këtë pjesë janë mbajtur disa seanca.

Por në pjesën e gjykimit “Stenta 3”, ku të akuzuar janë përfaqësuesit e spitaleve private dhe disa mjekë që kanë punuar në këto spitale, ende ligjërisht nuk është përfunduar asnjë seancë.

(Artikullin e plotë mund ta lexoni sot në “Koha Ditore”)