Pensionistët me aksion simbolik kërkojnë trajtim të dinjitetshëm

Në Ditën Ndërkombëtare të Pensionistëve, Shoqata e Pensionistëve të Kosovës, ka organizuar aksion simbolik para Qeverisë.

Ata kanë lëshuar pëllumba para Qeverisë, duke thënë se janë për paqe e kërkojnë të trajtohen me dinjitet.

Ata mbanin në duar një pankartë ku shkruhej “Dinjitet për pensionistët”.

Më pas, pensionistët zhvilluan një takim me përfaqësuesit e tyre. Nga aty, ata thanë se kanë ftuar krerët institucionalë të jenë pjesëmarrës në takim. Por nga institucionet, ishte i pranishëm vetëm një zyrtar i Ministrisë së Financave.