Kompania rajonale e ujësjellësit, “Hidrodrini”, ka njoftuar se pas një aksioni të zhvilluar në një fabrikë për prodhimin e ujit në Pejë ka hasur në keqpërdorim të ujit.
“Gjatë inspektimeve në perimetrin brenda hapësirave të fabrikës, janë gjetur e zbuluar dy lidhje ilegale, njëra Ø 100 dhe tjetra Ø 32”, thuhet në njoftim.
Nga këto lidhje ilegale, është konstatuar, sipas “Hidrodrinit”, të jenë shkaktuar humbje të konsiderueshme të ujit të pijes.
“Pas verifikimeve dhe fakteve nga ana e kompanisë, rasti procedohet në Prokurori”, vijon njoftimi.
