Kryetari i Komunës së Mitrovicës, Faton Peci, ka njoftuar se qyteti do të bëhet me spital të ri.
Ai ka njoftuar se të enjten ka pritur në takim ministrin në detyrë të Shëndetësisë, Arben Vitia, me të cilin ka diskutuar për gjendjen e sektorit të shëndetësisë dhe projektet që Ministria e Shëndetësisë planifikon t’i realizojë në Mitrovicë.
Sipas Pecit, në fokus të diskutimeve ka qenë ecuria dhe dinamika e projektit për ndërtimin e spitalit të ri.
Ai ka theksuar se implementimi i projektit do të nisë sapo të formohet qeveria e re.
“Spitali i ri, me hapësira moderne dhe me të gjitha shërbimet shëndetësore, do të realizohet, ndërsa implementimi i tij do të fillojë sapo Qeveria Kurti 3 të formohet”, ka shkruar Peci në Facebook.
Gjatë takimit thuhet se është shqyrtuar edhe mundësia e zhvendosjes së ambulancave specialistike nga Spitali i Përgjithshëm i Mitrovicës në hapësira të Qendrës Kryesore të Mjekësisë Familjare.
-
Peci jep premtime për Mitrovicën “në koordinim me Qeverinë”
-
Peci thotë se situata në Mitrovicë është nën kontroll dhe drejt përmirësimit
-
Peci në mbyllje të fushatës: Mitrovica është zemra e Kosovës
-
Peci: Premtojmë një Mitrovicë ku gruaja nuk është thjeshtë pjesë e shoqërisë, por forca që e mban atë
-
Peci prezanton projektet në fshatin Kçiq të Mitrovicës