Partia Demokratike e Kosovës (PDK) konsideron se raporti i fundit i progresit i Komisionit Evropian për Kosovën dëshmon paaftësinë e Qeverisë Kurti për t’u marrë me problemet dhe për adresimin e sfidave të qytetarëve.
Në një konferencë për media të shtunën, shefi i grupit parlamentar të PDK-së Abelard Tahiri dhe deputetja Blerta Deliu-Kodra thanë se raporti i KE-së ka evidentuar një numër të madh të problemeve, me theks të veçantë dështimin e punës së Qeverisë në sektorin e shëndetësisë, liria e mediave dhe mungesa e vullnetit për të luftuar korrupsionin.
“Ne, edhe si opozitë, kemi dhënë kontributin tonë që raporti të jetë edhe më i mirë. Ne dëshirojmë që vendi ynë të ketë progres. Prej 31 marrëveshjeve ndërkombëtare, 30 i kemi votuar. Për dallim nga e kaluara kur Vetëvendosje refuzonte votimin e tyre”, ka thënë Tahiri.
Ndërsa, deputetja Blerta Deliu-Kodra tha se në raport shprehet shqetësimi në reformat për sundimin e ligjit, administratë publike, mungesë të rezultateve në luftim të korrupsionit dhe krimit të organizuar dhe informalitetit në ekonomi.
“Shqetësuese është edhe gjuha linçuese ndaj mediave”, ka thënë deputetja Blerta Deliu-Kodra duke shtuar se opozita i ka dhënë mbështetje edhe procesit të vettingut.
-
PDK: Korrupsioni në Qeverinë Kurti, kryefjala e raportit të DASH-it për Kosovën
-
Deliu-Kodra: Raporti i DASH-it shpërfaq paaftësinë e Qeverisë për të ndërtuar institucione të pakorruptura
-
Deliu: Raporti i Progresit thekson shkeljet e procedurave në miratimin e projektligjeve
-
Raporti i Progresit: VV-ja merr meritat, PDK-ja ia spikat kritikat
-
Kurti e sheh pozitivisht Raportin ku Kosova vlerësohet me progres të kufizuar e stagnim