Rinia Demokratike e Kosovës ka organizuar grumbullim të ndihmave elementare si rroba dhe batanije në zyrat e Partisë Demokratike të Kosovës nëpër të gjithë Kosovën.
Prej orës 12:00, RDK po pret njerëz të vullnetit të mirë që t’u dalin në ndihmë familjeve të prekura nga tërmeti në Shqipëri.
“Rinia Demokratike e Kosovës organizon grumbullim të ndihmave elementare (rroba/batanije etj) në zyrat e Partisë Demokratike të Kosovës nëpër Kosovë. Me lutje në zemër veprojmë bashkë për vëllezërit dhe motrat tona në Shqipëri. Nga ora 12:00, mirëpresim secilin prej jush dhe ju falënderojmë nga zemra për ndihmën tuaj”, thuhet në njoftim.
Më herët edhe Lëvizja Vetëvendosje njoftoi se do të bëjë grumbullimin e ndihmave për familjet e prekura nga tërmeti.
Artikuj të ngjashëm
-
Pas tërmetit në Shqipëri, shumë aksione solidarizimi u organizuan në Prishtinë dhe qytete tjera të vendit
-
Në xhamitë e Kosovës mblidhen mbi 300 mijë euro për Shqipërinë
-
Edhe sot nga e gjithë Kosova do të ketë grumbullim të ndihmave për Shqipërinë
-
Tërmeti tragjik bën bashkë tifozët në Shqipëri dhe Kosovë, të gjithë ofrojnë ndihmë
-
VV organizon tri pika grumbullimi për ndihma të cilat do të transportohen në Shqipëri