Kompania e mbeturinave “Pastrimi” e mbajti fjalën e dhënë, për keq, se sot nuk do të bëjë grumbullimin dhe largimin e mbeturinave nga kryeqyteti i vendit.
Si pasojë e mospastrimit, Prishtina sot, në të gjitha pjesët e saj, ka qenë me kontejnerë me përplot mbeturina dhe me kundërmim gjithandej, raporton Koha.net.
“Arsye” për këtë hap të “Pastrimit” është, siç ka thënë kompania, bllokimit i xhirollogarive bankare nga Kompania për Menaxhimin e Deponive të Kosovës.
Qytetarët ankohen se problemet ndërmjet “Pastrimit” dhe Kompanisë për Menaxhimin e Deponive të Kosovës nuk duhet të jenë barrë e tyre e ta durojnë kudo bërllokun.
Komuna e Prishtinës, e cila për çdo tre muaj i dërgon faturat për pagesën e këtij shërbimi (ironia, faturat për pagesë qytetarëve u arritën mu në ditën e paralajmërimit të “Pastrimit” se nuk do ta heqë bërllokun), nuk është bërë ende e gjallë rreth këtij rasti.
-
Kryeqyteti në bërllok - “Pastrimi” arsyetohet me kamionët e prishur
-
“Pastrimi” arsyetohet për mosmbledhjen e bërllokut: Ka ndryshuar orari i operimit të deponisë
-
Banorë të Prishtinës ankohen se bërlloku s’po largohet me ditë
-
Qytetarët ankohen për mosgrumbullimin e mbeturinave, njohës të ambientit paralajmërojnë rreziqe
-
Beteja për mbeturinat