-
Nga:
Luljeta Beselica
- 15 shkurt 2020 22:00
- Shpërndaje në:
I ndërtuar para një dekade, ky objekt shkollor është mbyllur që dy vjet me fuzionimin e shkollave në Komunën e Drenasit.
Tash ky objekt, i cili kushtoi 100 mijë euro për t’u ndërtuar po shfrytëzohet për të pame në fshatin Godanc, raporton KTV.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoBanorët atje thonë se nuk ka asgjë të keqe që tashmë objektin e shkollës e shfrytëzojnë për nevoja të tyre.
Si kjo shkollë, janë edhe dy të tjera në këtë komunë.
Drejtori i Arsimit në Komunën e Drenasit thotë se ky objekt mirëmbahet nga DKA-ja dhe për ta shfrytëzuar atë, banorët paraprakisht duhet të marrin leje.
Njësoj si Drenasi, edhe në Komunën e Kamenicës, pas fillimit të reformës nga kreu i kësaj komune kanë mbetur disa objekte të shkollave të papërdorura.
Edhe komunat si Peja, Gjakova e Ferizaj, kanë objekte shkollore për të cilat janë shpenzuar qindra miliona euro, e që sot janë demoluar dhe nuk janë duke u shfrytëzuar.
Përkundër kësaj, Ministria e Arsimit thotë se është duke financuar ndërtimin edhe të disa objekteve të reja.
“Në ndërtim e sipër nga buxheti i MASHT-it janë 27 objekte shkollore, ndërsa gjatë vitit 2020, pritet të përfundojnë 6 të tilla”, thuhet në përgjigjen e këtij dikasteri.
Sipas të dhënave nga ASK-ja, 284,044 nxënës vijojnë mësimin në 954 shkolla fillore në 2018, ndërsa 91,345 nxënës vijojnë mësimin në 122 shkolla të mesme.