Para presidentit të Kosovës, Hashim Thaçi, të enjten do të rreshtohen 10 anëtarët e rinj të Komisionit Qendror të Zgjedhjeve.
Përfaqësuesit e secilit grup parlamentar do të betohen se do t`i kryejnë me përgjegjësi detyrat e tyre, raporton KTV.
Një gjë të tillë e kanë konfirmuar edhe nga Zyra e presidentit.
“Betimi i anëtarëve të rinj të KQZ-së bëhet të enjten para presidentit të Republikës së Kosovës”, është në njoftimin për media të Presidencës.
Por, nga Instituti Demokratik i Kosovës, vlerësojnë se i pari i shtetit është vonuar në funksionalizimin e punës së KQZ-së.
Menjëherë pas emërimit të anëtarëve, Komisioni Qendror i Zgjedhjeve do të duhet të merret me proceset pas formimit të Qeverisë.
Edhe
Thaçi emëroi anëtarët e rinj të KQZ-së duke shkelur afatet ligjore
Një ndër to, është plotësimi i vendeve të deputetëve, të cilët janë bërë ministra në kabinetin qeveritar, si dhe organizimi i zgjedhjeve të jashtëzakonshme në Komunën e Podujevës.
Mirëpo, në KQZ thonë se për organizimin e procesit të zgjedhjes së të parit të Podujevës, iu duhen fonde nga Qeveria.
Bazuar në ulëset e siguruara, grupeve parlamentare në Kuvendin e Kosovës do t’u takojë nga një anëtar në KQZ, përveç Vetëvendosjes që do t’i ketë dy.
