Pas fundjavës me temperatura më të ulëta, e mërkura regjistron nisjen e lehtë të ngritjes së temperaturave në vend, ka bërë të ditur Instituti Hidrometeorologjik i Kosovës në parashikimin për dy ditë.
Sipas IHMK-së, parashihet rritje e lehtë e vlerave maksimale, ndërsa minimalet do të mbesin të njëjta si në ditët e fundit, duke bërë që netët të jenë të freskëta me temperatura nën mesataren e korrikut.
Temperaturat minimale do të lëvizin ndërmjet 8-10 gradë celsius, ndërsa maksimalet e ditës parashihen të lëvizin ndërmjet 22-29 gradë Celsius.
Do të fryjë erë e lehtë deri mesatare nga drejtimi i veriut dhe verilindjes.
