Një koalicion mes tri partive të komunitetit boshnjak është dorëzuar në Komisionin Qendror të Zgjedhjeve.
Këtë e ka konfirmuar për Koha.net, zëdhënësi i KQZ-së, Valmir Elezi.
Ai ka thënë se ky koalicion mban emrin Vakat, derisa shton se është i përbërë nga tri parti të komunitetit boshnjak.
“Kemi pranuar një deklaratë për Koalicion Parazgjedhor me emërtimin: Koalicioni Vakat. Ky koalicion është deklaruar nga 3 Parti Politike nga radhët e komunitetit boshnjak: Demokratska Stranka Bosnjaka, Demokratska Stranka Vatan dhe Ujedinjena Stranka Bosnjaka”, thotë ai.
Kujtojmë se sot është dita e fundit kur partitë politike do të mund të lidhin koalicionet parazgjedhore.
Artikuj të ngjashëm