Gjykata Themelore në Prishtinë ka aprovuar kërkesën e Prokurorisë Themelore në Prishtinë duke ua caktuar masën e paraburgimit në kohëzgjatje prej 30 ditësh, ish-ministrit të Kulturës, Astrit Haraqija dhe pesë të arrestuarve tjerë në aksionin kundër trafikimit të kokainës.
Në vendimin e siguruar nga “Betimi për Drejtësi“, thuhet se masa e paraburgimit u caktua nën dyshimin se gjashtë të pandehurit kanë kryer veprën penale të shitblerjes së narkotikëve, si dhe të pandehurit Haraqija edhe për armëmbajtje pa leje.
Aktvendimi u mor nga gjyqtari i procedurës paraprake, Gazmend Bahtiri, pas mbajtjes së seancës dëgjimore.
Gjykata vlerësoi se kërkesa e Prokurorisë është e bazuar dhe se masat tjera alternative nuk konsiderohen të mjaftueshme për sigurimin e të pandehurve në procedurë penale.
Gjashtë persona janë arrestuar të shtunën mbrëma në operacionin për narkotikë të koduar “Heshtja”, e në mesin e tyre është edhe ish-ministri i Kulturës, Rinisë dhe Sportit, Astrit Haraqija.
-
Ish-ministri Haraqija mes 6 të arrestuarve në operacionin antidrogë
-
Arrestohet ish-ministri Haraqija në aksionin e Policisë për narkotikë
-
Një muaj paraburgim pesë të dyshuarve në rastin e 37 kilogramëve heroinë
-
Nga një muaj paraburgim ndaj pesë të pandehurve për krim të organizuar dhe narkotikë
-
Aksion antidrogë në Prishtinë, sekuestrohen kokainë, vetura luksoze dhe para të gatshme