Në sallën e sporteve “Minatori” në Mitrovicë, sot u hap Panairi i Punës 2019, në bashkëpunim me Ministrinë e Punës dhe Mirëqenies Sociale (MPMS), Agjencinë e Punësimit të Republikës së Kosovës (APRK), Komunën e Mitrovicës dhe Zyrën Gjermane për Bashkëpunim Ndërkombëtar (GIZ).
Në këtë edicion të Panairit të Punës prezentë janë 55 kompani dhe institucione tjera jo vetëm të Mitrovicës, por edhe të vendeve të tjera të rajonit, të cilat së bashku kanë hapur rreth 500 vende pune apo punë praktike me mundësi vazhdimi.
Hapjen e Panairit e ka bërë kryetari i komunës, Agim Bahtiri, i cili tha se panairi është një mundësi e mirë si për bizneset ashtu edhe për punëkërkuesit që të përfitojnë nga njëri tjetri.
Drejtori i Zyrës së Punësimit në Mitrovicë, Besmir Salihu, ka folur për rëndësinë e këtij panairi, ku punëdhënësit dhe punëkërkuesit kanë mundësi të marrin informacione për tregun e punës.
Panairi i Punës qysh në orët e para të mëngjesit zgjoi interesim të madh tek të rinjtë dhe qytetarët e tjerë të Mitrovicës dhe do të jetë i hapur deri në ora 16:00.
-
Në Gjilan hapet Panairi i Punës, 40 kompani ofrojnë 500 vende pune
-
Bizneset ankohen për mungesë të fuqisë punëtore, të rinjtë për mungesë të vendeve të punës
-
Hapet Panairi i Punës, marrin pjesë rreth 20 kompani të sektorëve të ndryshëm
-
Hapet Panairi i Vetëpunësimit
-
Pesëdhjetë biznese në Prizren ofrojnë 600 vende pune