Zëvendësi i ndihmësit të Sekretarit dhe përfaqësuesi special i Departamentit të Shtetit, Matthew Palmer, ka thënë se “SHBA-ja është e përqendruar të mbështesë procesin e dialogut ndërmjet Kosovës dhe Serbisë që po e udhëheq Brukseli”, shkruan Zëri i Amerikës në gjuhën serbe.
Diplomati amerikan ka thënë se në formën ideale, marrëveshja do të duhej të finalizohej me njohje reciproke mes Kosovës dhe Serbisë.
“Fjalët për ndërrim territoresh, tërheqin vëmendjen nga synimi kyq: që Serbia e Kosova dhe qeveritë e tyre të punojnë në gjetjen e rrugës për normalizim të marrëdhënieve. Ne e mbështesim këtë proces dhe për këtë mendoj se është jorelevante dhe e pengojnë procesin debatet për ndërrim territoresh”, ka thënë Palmer.
Palmer thotë se është i lumtur që procesi i dialogut ka rifilluar me ndërmjetësimin e BE-së dhe përfaqësuesit të saj, Miroslav Lajçak, të cilin diplomati amerikan e ka quajtur mik dhe bashkëpunëtor.
“Më vjen mirë që ky proces ka rifilluar. Tash vonë kam pritur këtu në Uashington Skender Hysenin, përfaqësuesin e Kosovës në këtë proces. Shumë punë është para tyre. Një marrëveshje gjithëpërfshirëse do të ‘resetonte’ rajonin dhe do të trimëronte shtetet e Ballkanit Perëndimor që janë në rrugë për t’u bërë shtete anëtare te Bashkimit Evropian”, ka thënë Palmer.
-
Palmer i thotë Daçiqit se s’duan të bëjnë presion tek palët për marrëveshjen
-
Palmeri s’përjashton marrëveshje Kosovë-Serbi pa njohje reciproke
-
Inkurajohen palët në dialog, kompromiset shihen të domosdoshme
-
Bislimi takoi Palmerin dhe Lajçakun lidhur me dialogun dhe vizitën në Bruksel
-
Haradinaj: SHBA-ja të ketë rol të domosdoshëm në arritjen e marrëveshjes me Serbinë