Situatë e qetë në veri, kryetari i Leposaviqit ende brenda në Komunë

11:50 - Sapo fillon shi, serbët mbyllin çadrat sërish për gazetarët

Megjithëse situata është e qetë në Leposaviq, ka disa persona që kanë dalë para Komunës. 

Posa ka filluar shiu, serbët aty kanë mbyllur çadrat duke mos lejuar mediat të futeshin nën to. 

Kryetari i komunës, Lulzim Hetemi, është ende brenda objektit.

11:16 - Pak protestues sot në Zveçan

Edhe Arbëri 2 sht 2023 S’ka protestues e përgjysmë më pak policë te objektet komunale në veri

Pak protestues janë parë të shtunën në Komunën e Zveçanit.

Ata janë nënshkruar në listat e evidencës edhe sot dhe po qëndrojnë afër ndërtesës së komunës.

Situata në këtë komunë është e qetë.

Pjesëtarë të KFOR-it dhe të Policisë së Kosovës, të cilët po kujdesen për ruajtjen e rendit, po vazhdojnë të qëndrojnë pranë dhe brenda ndërtesës së kësaj komune.

Edhe Arbëri 13 kor 2023 Ulet prania policore në veri, serbët vazhdojnë protestën në Zveçan

Edhe në dy komunat tjera veriore të vendit, Leposaviq dhe Zubin Potok, situata është e qetë.

Protestuesit serbë po kundërshtojnë hyrjen e kryetarëve shqiptarë në ndërtesat komunale. Situata në këto komuna është tensionuar të premten e 26 majit kur kryetarët e betuar janë detyruar të hyjnë në zyrat e tyre të punës nën asistencën e Policisë së Kosovës. Të hënën, 29 maj, protestuesit me maska e edhe ata pa maska kanë ushtruar dhunë ndaj pjesëtarëve të KFOR-it, Policisë së Kosovës dhe gazetarëve. Ata kanë hedhur gjësende të ndryshme në drejtim të paqeruajtësve, derisa kanë dëmtuar e djegur vetura të mediave./ KP