Pacolli: Komoret vazhdojnë ta njohin Kosovën, propaganda serbe nuk ia arriti qëllimit

Ish-ministri i Punëve të Jashtme të Kosovës, Behxhet Pacolli, ka thënë se shteti i Komoreve vazhdon ta njohë Kosovën pavarësisht ndikimit nga, siç pretendon i pari i AKR-së, propaganda parapolitike serbe.

Pacolli e bëri të ditur këtë përmes rrjetit social Facebook, ku paraqiti letrën e dërguar nga ministri i Punëve të Jashtme të shtetit që gjendet në Afrikën Lindore.

“Kam pranuar një letër nga ministri i Punëve të Jashtme të Komoreve, i cili më siguron se njohja e lidhur njëherë mes nesh, vazhdon e paprekur dhe e shëndoshë, si atëherë kur e arritëm. Pas lobimit intensiv dhe udhëtimeve të shumta, kishim arritur që ta sigurojmë njohjen nga Komoret. Propaganda parapolitike serbe kishte tentuar shumë që të ndikojë në këtë shtet që ta tërheqë njohjen dhe ta zhbëjë punën tonë”, ka shkruar Pacolli në Facebook.