Presidentja e vendit, Vjosa Osmani, me rastin e Ditës së Veteranit të UÇK-së, ka thënë se kujtojnë me respekt të gjithë ata djem e vajza të Ushtrisë Çlirimtare, të cilët e bën të mundshme lirinë.
“Sot kujtojmë edhe sakrificën e komandantit legjendar Adem Jashari me familje, i cili më 30 dhjetor të vitit 1991 pati betejën e parë me forcat e regjimit gjenocidal serb, duke shënuar fillet e rezistencës së armatosur dhe njëherit paralajmërimin e lirisë sonë”, ka shkruar Osmani.
Sipas saj sakrifica e dëshmorëve dhe e veteranëve të UÇK-së, do të shërbejë si udhërrëfyes për forcimin e shtetit dhe mbrojtjen e lirisë, siç ka thënë, të fituar me mund.
