Fitorja e thellë e Lëvizjes Vetëvendosje bashkë me listën e Vjosa Osmanit, sipas kësaj të fundit, ka qenë qëndrimi i qartë i qytetarëve për ndryshim.
Në një takim me ambasadorin amerikan në Kosovë, Philip Kosnett, Osmani ka thënë se janë pajtuar që formimi i institucioneve të reja duhet të jetë prioritet për të siguruar stabilitet dhe angazhim të palëkundur në tejkalimin e krizës së shkaktuar nga COVID-19.
Në anën tjetër, Kosnetti në Twitter ka shkruar se mezi pret të bashkëpunojë me Osmanin dhe qeverinë e re sapo të formohet për të adresuar sfidat urgjente dhe qëllimet e përbashkëta.
Paraditen e sotme, Kosnetti takoi edhe kreun e Lëvizjes Vetëvendosje, Albin Kurtit, të cilit i kërkoi formimin sa më të shpejtë të Qeverisë. VV-ja të dielën regjistroi fitore historike duke iu afruar 50-përqindëshit. Osmani është kandidate për presidente nga kjo listë.
-
Kosnett: SHBA-ja e përkushtuar ta ndihmojë Qeverinë e ardhshme që të ketë sukses
-
Kosnetti takon Kurtin në selinë e VV-së
-
Osmani: Kompromisi kërkohet për Qeverinë, Kuvendin e presidentin
-
Osmani: Kur e kam informuar Kurtin se i kemi 82 vota, më ka thënë tash s’i ki votat e VV-së
-
Kurti nuk ia garanton Osmanit mbështetjen për mandatin e dytë