Osmani: Në Brdo-Brioni u fol njëzëri për liberalizimin e vizave

Presidentja e Kosovës, Vjosa Osmani, deklaroi të hënën se në samitin e Brdo-Brionit, u fol njëzëri që Kosovës duhet t’i përfundojë procesi i liberalizimit nga Bashkimi Evropian.

Ajo tha se Kosova qëndron si anëtare e barabartë e Bashkimit Evropian në Ballkanin Perëndimor, derisa shtoi se nuk ka vend në BE që është kundër liberalizimit për Kosovën.

“Kosova do të qëndrojë si anëtare e barabartë e BE-së. Dua të theksoj rolin e rëndësishëm që procesi i Brdo-Brionit vazhdon të ketë dhe përafrimin tonë me BE-në. Nuk ka vend në BE që na thotë se janë kundër liberalizimit, momentumi është i duhuri. Kosova ka zgjedhur rrugëtimin euroatlantik dhe këtë e kemi bërë me vetëdije. Në fund të vitit do të aplikojmë për status kandidature”, deklaroi Osmani para mediave, duke shtuar se Kosova e meriton statusin e vendit kandidat, sa më shpejt që është e mundur.

Samitin e Procesit të Brdo-Britonit, i mbajtur të hënën në Slloveni, Osmani e konsideroi me rol të rëndësishëm në përafrimin drejt BE-së.

Osmani: Gjysmëzgjidhjet mes Kosovës e Serbisë nuk sjellin paqe afatgjate

Presidentja e Kosovës, Vjosa Osmani, pas Samitit të Brdo-Brionit në Slloveni, ka thënë se çfarëdo gjysmëzgjidhje midis Kosovës dhe Serbisë, nuk do të sjellë paqe afatgjate në rajon.

Në konferencën e mbajtur gjatë pasdites të së hënës në Slloveni, Osmani ka thënë se njohja e ndërsjellë është e vetmja zgjidhje për të sjellë paqen e dëshiruar dhe për t’i afruar vendet edhe më afër Bashkimit Evropian.

Edhe Arbëri 11 sht 2023 Osmani: BE-ja të ndërmarrë hapa konkretë për anëtarësimin e Ballkanit Perëndimor

“Nuk kemi pasur ndonjë bisedë bilaterale, sigurisht që kemi shumë mospajtime me presidentin Vuçiq dhe kjo ndodhë sepse Serbia nuk e pranon realitetin që Kosova është e pavarur dhe sovrane dhe ky është realitet i pakthyeshëm. Ka shumë gjëra në të cilat nuk pajtohemi, por dialogu duhet të përqendrohet te njohja e ndërsjellë dhe Serbia  të angazhohet në mënyrë konstruktive sa më shpejtë që është e mundur të arrijmë te njohja e ndërsjellë. Çfarë gjysmëzgjidhje nuk do të sjellë paqen afatgjate, njohja e ndërsjellë është e vetmja gjë që e sjellë paqen e dëshiruar në rajon dhe përtej dhe na bën më të afërt me BE-në që është edhe synimi ynë”, ka thënë ajo.

Ajo ka thënë se liberalizimi i vizave për qytetarët e Kosovës, që është premtuar që nga viti 2018 nga BE-ja, nuk e dëmton askënd.