Mbështete KOHËN. Ruaje të vërtetën
Arbëri

Osmani: Ligji për Specialen do t’i dëmtojë ish-krerët e UÇK-së në fazën e Apelit

Vjosa Osmani

Deputetja e Lidhjes Demokratike të Kosovës (LDK), Vjosa Osmani ka thënë se ndryshimi i Ligjit për Specialen nga Kuvendi i Kosovës do t’i dëmtojë ish-krerët e UÇK-së, Hashim Thaçi, Jakup Krasniqi, Kadri Veseli e Rexhep Selimi në fazën e apelimit të vendimit dënuar ndaj tyre. 

Ajo ka thënë se Ligji si i tillë nuk do të krijojë asnjë efekt juridik për ta sa i përket dënimit që kanë marrë në shkallën e parë. 

“Unë jam e bindur që ai do t’i dëmtoj ata në Apel. Pra e gjithë kjo përpjekje për ta ndryshuar mandatin e Gjykatës Speciale, duke i hequr nga mandati veprat penale që janë në procedura, mendoj që fatkeqësisht mund t’i dëmtojë ata sepse dikush mund ta merr këtë edhe si rrethanë rënduese”, është shprehur Osmani në emisionin “Konfront”, në KTV. 

Ajo ka thënë se sot do të duhej të refuzohej përmbysja e vetos së presidentes Justina Shiroka Pula, në mënyrë që Ligji të mos hynte në fuqi. 

Osmani ka thënë se kjo do t’i hapte rrugë miratimit të një ligji të ri që do të mund të ishte në përputhje Kushtetutën dhe obligimet ndërkombëtare të Kosovës. 

Thaçi e Krasniqi janë dënuar më nga 25 vjet burgim nga Gjykata Speciale, Veseli më 18 e Selimi me 13 vjet burgim.  

Lexo përditësimet tjera
Vjosa Osmani

LIVE: Opozita e Vjosa Osmanit