Presidentja e Kosovës, Vjosa Osmani, ka kërkuar përkrahje nga Irlanda për anëtarësimin e Kosovës në Këshillin e Evropës, ku ky shtet tani ka udhëheqjen.
Në takimin e zhvilluar të enjten në Bruksel me kryeministrin irlandez, Micheal Martin, Osmani ka njoftuar se është diskutuar për vullnetin e qartë të popullit të Kosovës pro integrimit në Bashkimin Evropian dhe në organizata tjera ndërkombëtare.
“Me anëtarësimin e Kosovës në këtë organizatë, përfitojnë më së shumti qytetarët e saj duke pasur në gjirin e saj një shtet demokratik që promovon të drejtat e njeriut”, ka shkruar Osmani në Facebook.
Kryeministri i Irlandës pas këtij takimi, të cilin e ka cilësuar “të ngrohtë dhe konstruktiv”, ka përsëritur mbështetjen e Irlandës për Kosovën në rrugëtimin e saj drejt integrimit në BE.
“Takim i ngrohtë dhe konstruktiv me Presidenten e Kosovës, Vjosa Osmani. Përsërita mbështetjen e Irlandës për Kosovën në rrugëtimin e tyre si pjesë e familjes më të madhe evropiane”, ka shkruar Martin në Twitter.
Warm and constructive meeting with President of Kosovo @VjosaOsmaniPRKS
— Micheál Martin (@MichealMartinTD) June 23, 2022
Reiterated Ireland’s support for Kosovo on their journey as part of the greater European family. pic.twitter.com/UJR5q5oDHS
