Kryeparlamentarja e Kosovës, Vjosa Osmani, i është përgjigjur letrës së PDK-së që kërkoi kthimin e fotografisë së presidentit Hashim Thaçi në murin ku gjendej para se ajo të merrte këtë pozitë. Në një deklaratë për media pas mbledhjes së Kryesisë së Kuvendit, të cilën e bojkotoi sërish PDK-ja, Osmani ka thënë se “tema e fotografisë tashmë është e mbyllur”.
“Nuk ka ndonjë vendim për heqjen e fotografisë së presidentit. Ka zhvendosje në pozitë të përcaktuar me ligj. Ligji në të cilin kam punuar vet në hartim po respektohet në tërësi. Për mua nën 1 kjo temë është e mbyllur. Nën 2 Bojkoti PDK-së ka filluar me 3 shkurt kur ata lëshuan sallën e Kuvendit. Nëse duan të gjejnë arsye se si e dekoroj unë zyrën time le të përdorin arsyetime të tilla sepse nuk e gjejnë guximin ta tregojnë të vërtetën. Por bojkoti i tyre filloi më 3 shkurt kur u votua qeveria. Është bojkot politik e s’lidhet me temat që po i thonë. Unë shpreh gatishmërinë që të punoj me secilin grup parlamentar”, ka thënë ajo ndër tjerash.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoOsmani ka thënë po ashtu se nëse ndonjë grup parlamentar ka dyshime për zgjedhjen e saj si kryeparlamentare “mund t’u drejtohet institucioneve”.
Në ditën e parë të punës si kryeparlamentare, Osmani kishte zhvendosur fotografinë e presidentit Hashim Thaçi, duke e vendosur në të njëjtin vend fotografinë e ish-presidentit Ibrahim Rugova. Ajo ka thënë se kjo nuk përbën shkelje ligjore.
·