Presidentja ka takuar kryetarin e Komisionit Zgjedhor, Kreshnik Radoniqi, për të diskutuar për shpalljen dhe organizimin e zgjedhjeve të jashtëzakonshme pas dorëheqjes së zyrtarëve të zgjedhur nga katër komunat në veri të vendit si dhe zëvendësimi i deputetëve të dorëhequr.
Presidentja Vjosa Osmani ka thënë se së shpejti subjektet politike do të ftohen për konsultime para caktimit të datës së zgjedhjeve.
“Në këtë takim, Presidentja ka theksuar se janë duke u ndërmarrë hapat e nevojshëm për shpalljen e datës së zgjedhjeve të jashtëzakonshme për kryetarë të komunave në Mitrovicë të Veriut, Zveçan, Leposaviq dhe Zubin Potok në përputhje me Kushtetutën dhe ligjet e Republikës së Kosovës. Ajo tha se së shpejti subjektet politike do të ftohen për konsultime përpara se të caktohet data e zgjedhjeve, brenda afatit ligjor”, u njoftua përmes komunikatës nga ZPRK.
Kurse, Radoniqi tha se KQZ-ja posedon kapacitetet e nevojshme për organizimin e zgjedhjeve të jashtëzakonshme për kryetar të katër komunave në veri të vendit.
-
Presidentja Osmani i pret partitë për konsultime për datën e zgjedhjeve në veri
-
Osmani fton në takim subjektet politike, pritet të shpallë zgjedhjet për komunat në veri
-
Osmani e Radoniqi diskutojnë për zgjedhjet e 9 shkurtit
-
Osmani flet me kryesuesin e KQZ-së për përgatitjet lidhur me datën e zgjedhjeve
-
KQZ-ja javën tjetër diskuton për verifikimin e nënshkrimeve për shkarkim të kryetarëve në veri