Orlando takon Lajçakun: Dialogu të vazhdojë sapo të krijohen institucionet

Ambasadori i Italisë në Kosovë, Nicola Orlando, ka njoftuar se ka takuar emisarin e Bashkimit Evropian, Miroslav Lajçak, në kuadër të vizitës së tij në Kosovë.

Përmes një postimi në Twitter ai ka shkruar se Lajçaku e ka njoftuar për takimet konstruktive që ka pasur në Kosovë, duke shtuar se e mirëpresin rinisjen e dialogut Kosovë-Serbi sapo të krijohen institucionet e reja.

“Shikojmë përpara drejt një rinisje të shpejtë të dialogut të ndërmjetësuar nga Bashkimi Evropian me mbështetjen e Shteteve të Bashkuara të Amerikës, sapo të krijohen institucionet e reja”, ka shkruar Orlando.