Një grua 34-vjeçare nga Deçani dhe i biri i saj 3-vjeç kanë humbur jetën në një pishinë në Kanada. Lajmi është konfirmuar nga kryetari i Deçanit, Bashkim Ramosaj.
Ai ka thënë për KOHËN se dyshimet janë që fëmija ka rënë në pishinën e shtëpisë ku ka jetuar familja, dhe më pas e ëma nuk ka arritur ta shpëtojë dhe të dy kanë humbur jetën.
Tragjedia ka ndodhur në Lachine, lagje të Montrealit, të martën në mbrëmje. Për rastin ka reaguar edhe kryetarja e Lachines, që ka dhënë të njëjtin përshkrim për ngjarjen.
Autoritetet kanë konfirmuar vdekjen e të dyve në vendngjarje.
