Drejtoria e Inspekcionit në Komunën e Mitrovicës ka shqiptuar gjobë në vlerë prej një mijë euro ndaj një subjekti afarist.
Siç bëhet e ditur, kjo gjobë është shqiptuar ndaj një qendre tregtare për shkak të peshës së bukës.
Komuna ka njoftuar se buka prej 450 gramësh e vendosur për shitje me çmim prej 35 centësh, nuk është përputhur me peshën e caktuar, pasi që gjatë matjes, pesha e bukëve ka qenë 357 deri në 368 gramë.
“Në vazhdën e inspektimeve të vazhdueshme në subjektet afariste, inspektorët komunal nga sektori i tregut dje kanë shqiptuar gjobë në vlerë prej një mijë euro ndaj një subjekti afarist (qendër tregtare) me lokacion në qytetin e Mitrovicës. Inspektorët komunal kanë potencuar se kjo gjobë është shqiptuar për arsye se produkti bukë 450 gr i vendosur për shitje me çmim prej 0,35 cent, nuk është përputhur me peshën e caktuar, pasi që gjatë matjes në peshore të kalibruar për produkte ka rezultuar se pesha e bukëve në shitje ka qenë 357 gr dhe 368 gr”, thuhet në njoftim.
Me këtë rast, komuna njofton se ky veprim nga ana e inspektorëve është vlerësuar në kundërshtim me ligjin për mbrojtjen e konsumatorit, prandaj është shqiptuar edhe gjoba nga inspektori i tregut.
-
Gjobitet me 1,000 euro furra në Gjilan, pesha e bukës më e vogël sesa që deklarohej
-
Inspektorati nis aksionin e mbikëqyrjes së peshës së bukës dhe verifikimin e peshoreve në furra
-
Ndalohet shitja e mbi 49 mijë pakove të hurmave
-
Gjobiten tetë furra të bukës në Pejë dhe Gjilan
-
3 pika derivatesh dënohen për mosrespektim të çmimit, inspektime edhe në furra të bukës