Tetë furra të bukës në Pejë dhe Gjilan janë gjobitur të enjten nga Inspektorati i Tregut.
Sipas njoftimit të lëshuar nga Drejtoria e Inspekcionit në Pejë, gjobat ndaj tri bizneseve janë shqiptuar për shkak të mospërputhjes së peshës së deklaruar të bukës, ndërsa ndaj pesë bizneseve tjera, pasi kanë pasur peshoret e paverifikuara.
Më tej është paralajmëruar se Inspektorati do të vazhdojë inspektimet në terren.
“Janë shqiptuar gjoba ndaj 3 bizneseve të cilave nuk u përputhej pesha e deklaruar e bukës si dhe ndaj 5 bizneseve të cilat kishin peshoret e pa verifikuara. Inspektorati Qendror i Tregut do të vazhdojë inspektimet në terren me qëllim të mbrojtjes së konsumatorit dhe eliminimin e praktikave të padrejta tregtare”, thuhet në njoftim.
Artikuj të ngjashëm
-
Inspektorati i Tregut shqipton gjoba ndaj furrave që mashtruan me peshën e bukës
-
Gjobitet me 1,000 euro furra në Gjilan, pesha e bukës më e vogël sesa që deklarohej
-
Pas Gjilanit, edhe Peja rrit çmimin e bukës nga 50 në 60 centë
-
Një mijë euro gjobë për qendrën tregtare në Mitrovicë shkaku i peshës së bukës
-
Në Ferizaj ndëshkohen disa furra të bukës për mungesë të higjienës