Një autobus me mbi 50 persona nuk është lejuar të hyjë nga Serbia në Kosovë nga pika e Jarinjes në veri, ka mësuar KOHA.
Për këtë ka reaguar drejtori i Zyrës për Kosovën në Qeverinë serbe, Petar Petkoviq. Ai ka thënë se pelegrinë serbë janë kthyer mbrapsht nga Policia e Kosovës. Petkoviq ka thënë se pelegrinët kishin planifikuar t’i vizitojnë disa nga tempujt e Kishës Ortodokse Serbe.
“Vizita e tyre ishte njoftuar te zyrtarët policorë sipas marrëveshjes dhe praktikave të mëhershme, duke konsideruar po ashtu nevojën që ata të përcillen me polici shkaku i sigurisë”, ka thënë Petkoviq.
Sipas tij, pelegrinët kanë planifikuar t’i vizitojnë varret e paraardhëseve të tyre, si dhe ta vizitojnë Manastirin e Deçanit. Edhe të shtunën e kaluar dy autobusë me mbi 80 persona nuk ishin lejuar të hynin në Kosovë.
-
Dy autobusë nga Serbia raportohet se s’u lejuan të hyjnë në Kosovë
-
Petkoviq: Policia e Kosovës ndaloi hyrjen e dy autobusëve me pelegrinë në Jarinjë
-
Në Jarinjë në autobusin e linjës Mitrovicë – Beograd, zbulohen 18 migrantë të paligjshëm
-
Petkoviq: Ndërkombëtarët kanë garantuar se serbët mund të shkojnë në Kosovë për të votuar
-
Nuk do të lejohet në kufi transporti i organizuar i votuesve pa u pajisur paraprakisht me leje