Gjilan, 26 korrik - Prokuroria Themelore e Gjilanit ka konfirmuar se janë duke hetuar pronarin dhe menaxherin e restorantit “Garden” me dyshimin se kishin kryer veprën penale të prodhimit dhe vënies në qarkullim të artikujve të dëmshëm ushqimorë, prandaj ndaj tyre tashti ka edhe një kallëzim penal.
Ndërsa Prokuroria ka konfirmuar se 150 qytetarë kanë raporte mjekësore të trajtimit në Spitalin Rajonal të Gjilanit pasi ata ishin helmuar nga ushqimi të cilin e kishin konsumuar në restorantin “Garden” që gjendet në fshatin Pasjak të Novobërdës. Prokuroria tashmë ka edhe rezultatet e analizave të cilat janë kryer në institucionin publik shëndetësor të cilat konfirmojnë se qytetarët ishin prekur nga infeksioni “Salmonella”, e cila është pasojë e konsumimit të ushqimit të kontaminuar.
Prokurorja, Bahtije Ademi, ka deklaruar se deri tashti janë intervistuar 61 qytetarë në cilësinë e palës së dëmtuar (gjerësisht, sot në “Kohën Ditore”).
-
Aktakuzë ndaj kuzhinierit dhe menaxheres për helmimin e 62 personave
-
Një vit pas, Prokuroria ngrit aktakuzë për personat e restorantit ku u helmuan 62 persona
-
Dhjetë klientë të ushqyer në restorant janë helmuar nga salmonella
-
Rritet numri i të helmuarve nga ushqimi në Gjilan, Prokuroria urdhëron mbylljen e restorantit
-
65 persona dyshohet se u helmuan nga ushqimi në Han të Elezit