Nis seanca me një minutë heshtje në nder të Fehmi e Xhevë Lladrovcit

Me një minutë heshtje ka nisur seanca e Kuvendit të Kosovës, në nder të Fehmi e Xhevë Lladrovit, në përvjetorin e 24-të të rënies heroike.

Më 22 shtator 1998, bashkë me luftëtarë të tjerë të UÇK-së, Fehmi dhe Xhevë Lladrovci u përballën disa orë rresht me njësite të tëra serbe në Gradinë, ku të dy bashkë ranë dëshmorë duke luftuar përballë trupave serbe. Atë ditë, bashkë me ta ranë dëshmorë edhe Fatime Hetemi dhe Shefqet Zeka.

Në këtë përvjetor, kryeministri Albin Kurti nderoi kujtimin e Fehmi dhe Xhevë Lladrovcit, Fatime Hetemit, Shefqet Zekës dhe të gjithë dëshmorëve që ranë në rrugën e gjatë për çlirimin e Kosovës.