Policia e Kosovës dhe ajo e Shqipërisë kanë nisur sot patrullimet e përbashkëta.
Në një ceremoni simbolike patrullimet kanë filluar në pikën kufitare mes dy shteteve, në Vërmicë.
Me këtë rast, drejtorët e Policisë rrugore të të dyja shteteve, ai nga Kosova nënkoloneli Sabedin Mehmeti dhe nga Shqipëria, Mitat Tola kanë thënë se këto patrullime janë rezultat i suksesit të tre viteve paraprake sipas memorandumit të bashkëpunimit mes dy policive.
"Kemi tri ekipe patrulluese dhe këto do të ndryshojnë varësisht prej nevojës", ka thënë Sabedin Mehmeti, drejtor i Policisë rrugore në Kosovë, transmeton kp.
Ndërkaq homologu i tij nga Shqipëria, Mitat Tola pati edhe një porosi për gjithë ata qe ia mësyjnë bregdetit shqiptar.
Edhe
Fillon patrullimi i përbashkët i policëve të Kosovës dhe Shqipërisë
"Ne nuk jemi këtu për ta ndëshkuar askënd por për të parandaluar...keni kujdes, mos vozitni kur pini alkool, vëni rripin e sigurisë, ngadalësojeni shpejtësinë", ka thënë ai.
Ky është viti i tretë i patrullimeve të përbashkëta policore Kosovë-Shqipëri në sezonin veror.
-
Policia e Kosovës këtë verë në rrugët e Shqipërisë
-
Nisin patrullimet e përbashkëta policore në Shqipëri
-
Policia e Kosovës e ajo e Shqipërisë me marrëveshje për patrullime të përbashkëta gjatë sezonit turistik
-
Policia e Kosovës do ta ndihmojë atë të Shqipërisë në patrullime rrugore gjatë sezonit turistik