Nga sot fillon vaksinimi kundër gripit sezonal

Ministria e Shëndetësisë dhe Instituti Kombëtar i Shëndetësisë Publike kanë njoftuar të mërkurën se nga sot fillon vaksinimi kundër gripit sezonal.

Në këtë njoftim u është bërë thirrje të moshuarve dhe personave me sëmundje kronike që të vaksinohen për t’u mbrojtur nga gripi sezonal.

“Vaksinimi kundër gripit bëhet çdo ditë pune në njësitë e vaksinimit, në kuadër të Qendrave Kryesore të Mjekësisë Familjare në çdo komunë”, thuhet në njoftim.

Ditë më parë QKMF-ja në Prishtinë ka njoftuar se ky shërbim mund të merren në QMF-të më të afërta ku ka njësi të vaksinimit.