Nga ky muaj do të shtrenjtohen çmimet e parkingjeve në Prishtinë

Nga ky muaj, në kryeqytet do të shtrenjtohen çmimet për parkim të automjeteve në vende publike, sidomos në qendër.

Për këtë shumë qytetarë po ankohen se shtrenjtimi i çmimeve për parkim është i paarsyeshëm.

Ata thonë se çmimi prej 1 eurosh për një orë parkimi në qendër është shumë i lartë, derisa tarifën ditore prej 7.50 eurosh e vlerësojnë si të papërballueshme.

Koha maksimale për parkim në zonën e parë është dy orë, derisa parkingjet do të jenë me pagesë nga ora shtatë e mëngjesit deri pas mesnatës, raporton 038 në KTV.

Të dielave dhe gjatë festave parkingjet do të jenë papagesë.

Edhe Arbëri 7 shk 2026 Inspektorati shqipton gjoba për parkingje, opozita bën thirrje të mos paguhen

Në zonën e dytë parkimi për një orë do të kushtojë 50 centë, kurse në zonën e tretë 30 centë.

Tani e tutje, banorët e kryeqytetit (qendrës) do të duhet të paguajnë 10 euro në muaj për shfrytëzim të parkingjeve.

Por, aplikimi i masave të reja nga Komuna si përpjekje për të zvogëluar numrin e automjeve brenda qytetit, siç duket do të nisë pa qenë ende funksionale ndërmarrja “Prishtina Parking” e cila ka për detyrë menaxhimin e parkingjeve.

Ndërmarrja ende nuk e ka kryeshefin e saj, edhe pse konkursi për këtë pozitë është mbyllur fundvitin e kaluar.

Opozita në Kuvendin Komunal akuzon ekzekutivin se po e bllokon qëllimshëm zgjedhjen e kryeshefit, si përpjekje për të emëruar dikë të afërt me drejtuesit e komunës, raporton 038 në KTV.

Eman Rrahmani, aksionar i “Prishtina Parking”, thotë se bordi nuk duhet të pengohet, por të mbështetet në shqyrtimin e aplikacioneve për pozitën e kryeshefit.

Edhe Arbëri 22 shk 2025 Hyrja në parkingun nëntokësor do të kushtojë 1 euro, komuna nuk di gjë

Por, pretendimet e Rrahmanit i mohon aksionari i ndërmarrjes nga PSD-ja, Drilon Pireva.

Çmimi për parkingje do të jetë i njëjtë si në hapësira publike ashtu edhe në parkingjet private.