Nën asistencë sociale 1.356 familje në Lipjan

Qendra për Punë Sociale në Lipjan nëpërmjet një shkrese ka njoftuar se gjatë kësaj periudhe të vitit ka ofruar dhe po vazhdon të ofrojë asistencë sociale për një mijë e 356 familje në gjithë territorin e kësaj komune, ndërkaq në kuadër të tyre ofrojnë shërbime për 54 kategori të ndryshme. Ndërkohë ka ndihmuar qindra familje me paketa ushqimore nëpërmjet institucioneve dhe organizatave të ndryshme.

Ky institucion është i obliguar të ofrojë shërbime sipas standardit të specifikuar të Ministrisë së Punës dhe Mirëqenies Sociale, ndërkaq Komuna e Lipjanit mund të sigurojë ndihma financiare ose ndihma të tjera për njerëzit në nevojë ose për ata që kujdesën për nevojtarët që dëshirojnë të bashkohen për të formuar grupe për ndihmë reciproke, vetëndihmë dhe vetëpërkrahje, shkruan sot Koha Ditore.

Po ashtu ky institucion nëpërmjet organizatave të ndryshme bamirësie gjatë kësaj periudhe të vitit ka shpërndarë edhe paketa ushqimore në numër të limituar për familjet skamnore.

(Artikullin e plotë mund ta lexoni sot në “Koha Ditore”)