Sot në Komunën e Prishtinës janë shpërndarë 500 pajisje ndihmëse për personat me aftësi të kufizuar.
Këtë e ka bërë të ditur kryetari i Prishtinës, Shpend Ahmeti. Ai ka thënë se po ashtu për personat në nevojë janë shpërndarë dhjetëra karroca dhe vetura elektrike.
I pari i komunës ka deklaruar se këto mjete i kanë pranuar donacion nga Norvegjia.
“Sot në Ditën Ndërkombëtare të Përdoruesve të Karrocave së bashku me përfaqësues të HANDIKOS dhe HANDICAP Kosova e kemi bërë shpërndarjen e dhjetëra karrocave dhe veturave elektrike. E gjithë kjo falë një donacioni të mbi 500 pajisjeve ndihmëse për persona me aftësi të kufizuar që e kemi pranuar nga Norvegjia. Në emër të Komunës së Prishtinës dua të shpreh mirënjohjen e madhe për Shoqatën Fehmi Agani në Arendal, Norvegji, si dhe aktivistin e saj të jashtëzakonshëm, Besnik Ramadani. Falë kësaj ndihme mbi 500 persona me aftësi të kufizuar do kenë një jetë më të lehtë”, ka shkruar ai.
-
Pajisjet ndihmëse për personat me paralizë nuk dorëzohen në shtëpi, përfituesit paguajnë transportin
-
Personat me aftësi të kufizuara ankohen për qasje të kufizuar në shërbime e infrastrukturë publike
-
Para personave me aftësi të kufizuara nuk denoncohen vonesat në shpërndarjen e pajisjeve ndihmëse
- Një hap i vogël!
-
Vetë nuk e mundëson, por Komuna e Prishtinës premton qasje për karroca në të gjitha objektet