Ministria e Punëve të Brendshme ka njoftuar se në Qendrën për Pajisje me Dokumente në Mitrovicën Jugore, disa zyrtarë të kësaj qendre kanë rezultuar pozitiv me COVID-19 dhe për pasojë, është ndaluar përkohësisht ofrimi i shërbimeve si masë për parandalimin e koronavirusit.
“Për shkak të rrezikut nga përhapja e COVID-19, është marrë vendim që Qendra për Pajisje me Dokumente në Mitrovicën Jugore të pezullojë përkohësisht ofrimin e shërbimeve për dokumente të identifikimit dhe vule apostile/verifikuese”, thuhet në njoftim.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoSipas MPB-së, deri në përfundimin e procesit të testimit të stafit të kësaj qendre të gjitha shërbimet mund të kërkohen nëpër qendrat e komunave më të afërta për qytetarët.
“Në Qendrën për Pajisje me Dokumente në Mitrovicën Jugore mund të kryhen vetëm rastet mjekësore si dhe mund të bëhet tërheqja e dokumenteve për aplikimet e mëhershme”, thuhet tutje në njoftim.