Në klinikat COVID dhe spitalet e përgjithshme po trajtohen 111 pacientë

Në klinikat COVID në QKUK dhe spitalet e përgjithshme po trajtohen 111 pacientë, prej tyre 59 janë të konfirmuar si pozitivë me COVID-19.

Bazuar në raportin ditor të SHSKUK-së, 72 pacientë po trajtohen me oksigjenoterapi, ndërsa dy janë në gjendje më të rënduar shëndetësore.

Në QKUK janë të shtrirë 78 pacientë, 36 prej tyre të konfirmuar si pozitivë me COVID.

Ndërsa në spitalet e përgjithshme 33 pacientë, 23 prej tyre të konfirmuar si pozitivë me COVID.

Në Spitalin e Prizrenit janë 4 pacientë, të Gjakovës 8, të Pejës 12, të Gjilanit 8 e të Mitrovicës një.